Զարգացման Հայկական Բանկի գործադիր մարմնի` Վարչության գործունեության գնահատման համակարգը հիմնված է Հայաստանում գործող ֆինանսա-բանկային օրենսդրական դաշտի, Բանկի ռազմավարական ծրագրերի և ներքին ակտերի խոր և գիտակցված ընկալման և արդյունավետ կիրառման վրա:

Գործադիր մարմնի աշխատանքի գնահատման հիմնական չափորոշիչներն են`

• Բանկի գործունեության արդյունավետությունը /եկամտաբերություն, շահութաբերություն/
• նախանշված ծրագրային հիմնական ցուցանիշների կատարման մակարդակը
• Բանկի Տնօրենների խորհրդի կողմից հաստատված ռազմավարական ծրագրի և  ներքին ակտերի կատարման ապահովումը
• Բանկի գործունեության խիստ համապատասխանեցումը գործող օրենսդրական նորմերին, ներքին հսկողության արդյունավետ համակարգի ապահովումը
• Բանկի աշխատակազմի արդյունավետ կառավարում, աշխատանքային հմտությունների և կարողությունների մշտական զարգացում:

Վարչության անդամների աշխատանքի բովանդակությունը ներառում է Տնօրենների Խորհրդի կողմից ընդունված որոշումների, ֆինանսական գործընթացների օպտիմալացման, արժեթղթերի, արտարժույթի հետ գործառնությունների, բանկի պարտավորությունների, ծախսերի և եկամուտների, աուդիտի, աշխատակազմի կառավարման, տարբեր տեսակի ռիսկերի կանխորոշման եւ զսպման, անվտանգության հետ կապված որոշումների օպերատիվ ընդունումը և դրանց կատարման վերահսկողությունը: Այդ խնդիրները լուծելու համար Վարչության անդամներն օժտված են լայն լիազորություններով և առավել պատասխանատվությամբ:

Վարչության աշխատանքների գնահատման համար Տնօրենների խորհուրդը վերլուծում է ՀՀ կենտրոնական բանկի ստուգման ակտերը, արտաքին աուդիտի եզրակացությունը, Վարչության նախագահի, Ներքին աուդիտի ղեկավարի, գլխավոր հաշվապահի կողմից պարբերաբար ներկայացվող հաշվետվությունները և տեղեկատվությունը:

Վարչության աշխատանքները գնահատելիս Տնօրենների Խորհրդը նաև հաշվի է առնում Վարչության անդամների կողմից  իրավունքի, մարքետինգի, գործարարության, նոր տեխնոլոգիաների  հիմունքների տիրապետումը, աշխատանքին ստեղծագործական մոտեցումը, կորպորատիվ կառավարման և մշակույթի զարգացմանը,  բանկի դրական կերպարի ամրապնդմանը միտված քայլերը: