"Զարգացման Հայկական Բանկ" բաց բաժնետիրական ընկերության հաճախորդների դիմում-բողոքների ընդունումը և քննարկումը կարգավորվում է "Զարգացման Հայկական Բանկ" ԲԲԸ Վարչության "22" հունվարի թիվ 4.6 որոշմամբ հաստատված "Զարգացման Հայկական Բանկ" բաց բաժնետիրական ընկերության հաճախորդների բողոք-պահանջների ընդունման և քննման ընթացակարգով":

"Զարգացման Հայկական Բանկ" բաց բաժնետիրական ընկերության հաճախորդներն իրենց բողոք-պահանջները կարող են ներկայացնել հետևյալ եղանակով` դիմումը պետք է ստորագրված (իրավաբանական անձանց դեպքում նաև կնքված) լինի` նշելով բողոքատուի ազգանունը, անունը, (անվանումը, բողոքատուի պաշտոնատար անձի անունը, ազգանունը), բնակության վայրը (գտնվելու վայրը): Առանց ստորագրության և վերոհիշյալ տեղեկությունների բողոք-պահանջը չի քննարկվում: Բողոքները կարող են ներկայացվել հետևյալ հասցեով` Բանկի գլխամասային գրասենյակ, կամ մասնաճյուղ /հասցե` Հայասատանի Հանրապետության, ք. Երևան,Բաբաջանյան 44/1/, կամ Բանկի էլեկտրոնային հասցեյով` info@armdb.com

կամ փոստով` Հայաստանի Հանրապետություն, ք. Երևան, 0015, Պարոնյան 21/1 "Զարգացման Հայկական Բանկ" բաց բաժնետիրական ընկերություն:

Ֆիզիկական անձ հաճախորդն իրավունք ունի ներկայացնելու "Զարգացման Հայկական Բանկ" բաց բաժնետիրական ընկերության և իր միջև կնքված գործարքներից բխող պահանջները Ֆինանսական համակարգի հաշտարարին: 

"Զարգացման Հայկական Բանկ" բաց բաժնետիրական ընկերությունը Ֆինանսական համակարգի հաշտարարի գրասենյակի հետ չի կնքել գրավոր համաձայնագիր Ֆինանսական համակարգի որոշումները վիճարկելու իրավունքից հրաժարվելու վերաբերյալ:
Ցանկացած անձ իրավունք ունի ստանալու "Զարգացման Հայկական Բանկ" բաց բաժնետիրական ընկերության վերաբերյալ հետևյալ տեղեկատվությունը.

"Բանկերի և բանկային գործունեության մասին" Հայաստանի Հանրապետության օրենքի 20-րդ հոդվածի 3-րդ մասով և 43-րդ հոդվածի 2-րդ մասով սահմանված տեղեկատվության պատճենները: Օրենքը կարող եք գտնել հետևյալ տնային էջերում` http://www.cba.am/AM/lalaws/orenq2.pdf կամ www.arlis.am:

Վճարը` թղթային մեկ տպագիր էջի համար սահմանվում է 3 դրամ, էլեկտրոնային առաքման դեպքում` անվճար: Տեղեկատվությունը "Զարգացման Հայկական Բանկ" բաց բաժնետիրական ընկերությունը դիմումատուին տրամադրում է գրավոր դիմումը ստանալուց հետո 5 օրյա ժամկետում:
"Արժեթղթերի շուկայի մասին" Հայաստանի Հանրապետության օրենքի 16-րդ հոդվածի 3-րդ կետով, 120 հոդվածի 2-րդ կետով նախատեսված տեղեկատվությունը Բանկը տրամադրում է դիմումը ներկայացնելու օրվան հաջորդող աշխատանքային օրը, 126-րդ հոդվածի 3-րդ կետով նախատեսված տեղեկատվությունը տրամադրում է գրավոր դիմումը ստանալուց հետո 5 օրյա ժամկետում: Վճարը` թղթային մեկ տպագիր էջի համար սահմանվում է 3 դրամ:
Դիմումատուն գրավոր դիմումը կարող է ներկայացնել Բանկի գլխամասային գրասենյակ Հայաստանի Հանրապետություն, ք. Երևան, 0015, Պարոնյան 21/1 հասվեով կամ Բանկի մասնաճյուղեր, կամ Բանկի էլեկտրոնային հասցեով`  info@armdb.com:

Ընկերության դեմ հաճախորդի կողմից ներկայացված բողոք-պահանջի քննության գործընթաց

"Հաճախորդների բողոք-պահանջների ընդունման և քննարկման ընթացակարգ"

Վեճերի լուծման բացատրական ամփոփագիր