Նպատակային "Էսքրոու" հաշիվներ` առևտրային գործարքների երաշխավորված վճարման ծառայություն

Եթե ցանկանում եք գնել կամ վաճառել անշարժ կամ շարժական գույք (բնակարան, ավտոմեքենա, կահույք և այլն) կամ մատուցել որևէ ծառայություն, սակայն չեք վստահում Ձեր գործընկերոջը (բացակայում է վաճառող-գնորդ վստահությունը), ապա Զարգացման Հայկական Բանկը կերաշխավորի Ձեր գործարքի հաջողությունը:

Զարգացման Հայկական Բանկում Ձեր գործարքի համար կբացվի նպատակային հատուկ "էսքրոու" հաշիվ, ուր որոշակի ժամկետով կսառեցվի գործարքի փոխհամաձայնեցված գումարը` մինչև նախապես որոշված փաստաթղթերի ներկայացումը:
Փաստաթղթերի ցանկը կախված է գործարքի բնույթից, որը որոշվում և հաստատվում է գնորդի և վաճառողի կողմից: Զարգացման Հայկական Բանկը հանդես է գալիս որպես Ձեր կողմից հաստատված պայմանների անվերապահ կատարման երաշխավոր (գործարքի կողմերի և բանկի միջև կնքվում է եռակողմ պայմանագիր):

Օրինակ, եթե առքուվաճառքի առարկա է հանդիսանում բնակարանը, ապա որպես անհրաժեշտ փաստաթուղթ կարող է պահանջվել առքուվաճառքի նոտարական կարգով վավերացված պայմանագիրը, իսկ եթե առքուվաճառքի առարկան ավտոմեքենա է, ապա որպես անհրաժեշտ փաստաթուղթ կարող է պահանջվել տեխնիկական անձնագիրը և այլն:
Փաստաթղթերի ցանկը որոշվում և հաստատվում է գնորդի և վաճառողի կողմից:

Նպատակային "էսքրոու" հաշիվների ծառայության դիմաց միջնորդավճարը կազմում է գործարքի գումարի 0.15%-ը, նվազագույնը`15.000 ՀՀ դրամ, առավելագույնը` 75.000 ՀՀ դրամ:

Օգտվելով այս ծառայությունից` Դուք կարող եք նվազեցնել Ձեր ռիսկերը:

ՈՒշադրություն. Գործարքը չիրականանալու դեպքում Զարգացման Հայկական Բանկը գանձում է միայն սահմանված նվազագույն սակագինը: