Զարգացման Հայկական Բանկն առաջարկում է ՀՀ դրամով և արտարժույթով դրամական միջոցների արագ և հուսալի փոխանցման ծառայություն:

Փոխանցումներ ՀՀ դրամով

Հանդիսանալով BankMail միջբանկային էլեկտրոնային վճարումների համակարգի անդամ` Զարգացման Հայկական Բանկն իրականացնում է ՀՀ դրամով փոխանցումներ Հայաստանի Հանրապետության ամբողջ տարածքով:

Ձեր հաշվից դրամական միջոցները ելքագրվում են վճարման հանձնարարականում Ձեր կողմից նշված օրը, որը չպետք է նախորդի բանկի կողմից հանձնարարականի ստացման օրվանը:
Եթե Ձեր կողմից ներկայացված վճարման հանձնարարականում նշված չէ վճարման օրը, ապա դրամական միջոցները ելքագրվում են հանձնարարականի ստացման օրը:

Մինչև ժ. 13⁰⁰ Բանկ ներկայացրած վճարման հանձնարարականներն իրականացվում են նույն բանկային օրվա ընթացքում: Ժ.13⁰⁰-ից հետո ներկայացրած վճարման հանձնարարականներն իրականացվում են հաջորդ բանկային օրվա ընթացքում:
Հաճախորդներին մենք նաև առաջարկում ենք  շտապ  դրամային փոխանցումների վճարովի ծառայություն, որի դեպքում ժ. 13⁰⁰-ից մինչև ժ. 15⁴⁵ ներկայացրած փոխանցումն իրականացվում է նույն  օրվա ընթացքում:

Ուշադրություն. Ֆիզիկական անձինք Զարգացման Հայկական Բանկում դրամային փոխանցումներ կարող են կատարել նաև առանց հաշիվ բացելու` ներկայացնելով անձը հաստատող փաստաթուղթը, եթե փոխանցման արժեքը գերազանցում է նվազագույն աշխատավարձի չորս հարյուրապատիկը:

• Զարգացման Հայկական Բանկն առաջարկում է հարմարավետ և ակնթարթային ծառայություն, որի միջոցով Դուք կարող եք առանց  որևէ միջնորդավճարի կատարել Ձեր բոլոր կոմունալ վճարումները, այդ թվում լիցքավորել Ձեր հեռախոսի կանխավճարային քարտերն, ինչպես կանխիկ, այնպես էլ Ձեր բանկային հաշվից:
• Բանկը ընդունում է նաև ճանապարհատրանսպորտային խախտումների դիմաց տուգանքների վճարումներ: Այս դեպքում անհրաժեշտ է, որ Դուք ներկայացնեք համապատասխան ակտը:

Եթե Ձեր կողմից ներկայացված և բանկի կողմից ընդունված վճարման հանձնարարականում նկատել եք սխալ, ապա անհրաժեշտ է դիմում ներկայացնել բանկ` նշելով, թե կոնկրետ որ հանձնարարականի որ վավերապայմանն է սխալ նշված եղել: Բանկը, սահմանված միջնորդավճարի դիմաց, նույն բանկային օրվա ընթացքում կիրականացնի համապատասխան փոփոխությունները:
Հաշվին դրամական միջոցները մուտքագրվում են վճարման հանձնարարականում նշված օրը:

Փոխանցումներ արտարժույթով

Արտարժութային փոխանցումներ S.W.I.F.T. համակարգի միջոցով

Զարգացման Հայկական Բանկը, հանդիսանալով միջազգային S.W.I.F.T. համակարգի անդամ և օգտագործելով իր թղթակից բանկերի լայն շրջանակը, առաջարկում է փոխանցումների իրականացում աշխարհի ցանկացած երկիր և հակառակը ինչպես իրավաբանական, այնպես էլ ֆիզիկական անձանց համար:

Ուշադրություն. Ֆիզիկական անձինք Զարգացման Հայկական Բանկում արտարժութային փոխանցումներ կարող են կատարել նաև առանց հաշիվ բացելու` ներկայացնելով անձը հաստատող փաստաթուղթը:
Ինչպես հաշվետեր, այնպես էլ հաշիվ չունեցող ֆիզիկական անձանց համար S.W.I.F.T. համակարգով իրականացվող փոխանցումների սակագները նույնն են:

Ձեր հաշվից դրամական միջոցները ելքագրվում են վճարման հանձնարարականում Ձեր կողմից նշված օրը, որը չպետք է նախորդի բանկի կողմից հանձնարարականի ստացման օրվանը:

Եթե Ձեր կողմից ներկայացված վճարման հանձնարարականում նշված չէ վճարման օրը, ապա դրամական միջոցները ելքագրվում են հանձնարարականի ստացման օրը:

Մինչև գործառնական օրվա ժամը 15⁰⁰-ն (Երևանի ժամանակով) Բանկ ներկայացված փոխանցման հանձնարարականներն իրականացվում են նույն բանկային օրը: Նշված ժամից հետո ներկայացված հանձնարարականներն իրականացվում են մեկ բանկային օրվա ընթացքում:

սակագներ և դրույքներ