Զարգացման Հայկական Բանկը ֆիզիկական անձանց առաջարկում է առանց հաշվի բացման դրամական փոխանցումների նոր միջազգային MoneyGram համակարգը: Այս համակարգի միջոցով վճարումներն ու փոխանցումներն իրականացվում են ԱՄՆ դոլարով աշխարհի 192 երկրների միջև և ներառում է շուրջ 244 000 սպասարկման կետեր: Գումարն ստացողին հասանելի կլինի 15 րոպեի ընթացքում: Մեկ փոխանցման առավելագույն սահմանաչափը կազմում է 10 000 ԱՄՆ դոլար կամ 7 000 Եվրո: Դրամական փոխանցումները ՀՀ-ում կատարվում են միայն ԱՄՆ դոլարով, իսկ ստացումները` նաև Եվրոյով:

MoneyGram համակարգի փոխանցման սակագներն են.

Դրամական միջոցներ փոխանցողը ներկայացնում է անձնագիր կամ անձը հաստատող որևէ փաստաթուղթ:
Դրամական միջոցները ստանալիս անհրաժեշտ է ներկայացնել անձնագիր և դրամական փոխանցման չկրկնվող համարը:
Ուղարկողի պահանջով փոխանցված գումարը կարելի է չեղյալ համարել կամ ստացողի վավերապայմանները փոփոխել գրավոր դիմումի հիման վրա: Փոխանցման վավերապայմաններից հնարավոր է փոփոխել միայն ստացողի անունը, հայրանունը և ազգանունը:
Փոխանցված գումարը չեղյալ համարելը կամ վավերապայմանների փոփոխելը հնարավոր է միայն փոխանցման օրը:
Բանկը պարտավոր է յուրաքանչյուր մատուցված ծառայության կատարման վերաբերյալ հաճախորդին տրամադրել անդորրագիր:

Եթե Դուք հանդիսանում եք փոխանցող կողմը և Ձեր դրամական միջոցների արժույթը տարբերվում է փոխանցման արժույթից, ապա Դուք կարող եք փոխարկել Ձեր գումարը` համաձայն բանկի կողմից սահմանված ընթացիկ փոխարժեքների:
Եթե Դուք ցանկանում եք Ձեզ փոխանցված դրամական միջոցները ստանալ այլ արժույթով, ապա դա կիրականացվի բանկի դրամարկղում' փոխարկման միջոցով` համաձայն բանկի կողմից սահմանված ընթացիկ փոխարժեքների:

MoneyGram համակարգով դրամական փոխանցումները իրականացվում են հաշված րոպեների ընթացքում` գանձելով MoneyGram համակարգի կողմից հաստատված սակագներ:

Կոմիսիոն վճարումները գանձվում են ՀՀ դրամով բանկում գործող ԱՄՆ դոլարի ընթացիկ փոխարժեքով:

MoneyGram համակարգի վերաբերյալ մանրամասն տեղեկատվություն (այդ թվում` փոխանցումների ուղղությունների, աշխարհագրության և այն ընկերությունների վերաբերյալ, որոնցից կարելի է ստանալ փոխանցված միջոցները) կարող եք ստանալ` այցելելով հետևյալ կայքը

http://www.moneygram.com/eFindUs/findUs.docountryCode=AM&languageCode=en