Զարգացման Հայկական Բանկը ֆիզիկական անձանց առաջարկում էMasterCard Gold, MasterCard Gold Chip, MasterCard Standard, MasterCard Standard Chip և Cirrus Maestro տեսակի պլաստիկ քարտեր` Հայաստանի Հանրապետության տարածքում և արտերկրում գործառնություններ իրականացնելու համար:  

Քարտ ստանալու նպատակով քաղաքացին ներկայացնում է անձնագիր և սոցիալական քարտ (սոցիալական քարտ չունենալու դեպքում` համապատասխան տեղեկանք):

Միջազգային քարտերը Ձեզ հնարավորություն են ընձեռում`

• իրականացնել վճարումներ (անկանխիկ գործարքներ) առևտրի և սպասարկման կետերում 
• գրանցել վիրտուալ քարտ  www.arca.am կայքում 
• իրականացնել կոմունալ և այլ վճարումներ բանկոմատների կամ վիրտուալ քարտի միջոցով
• կատարել գնումներ ինտերնետի միջոցով (բացառությամբ Cirrus Maestro տեսակի քարտերի)
• իրականացնել քարտից քարտ փոխանցումներ բանկոմատների կամ վիրտուալ քարտի միջոցով
• ստանալ կանխիկ դրամ բանկոմատներից և կանխիկացման այլ կետերից

Բոլոր միջազգային քատերի նկատմամբ Բանկի կողմից կիրառվում են կանխիկ և անկանխիկ գործառնությունների իրականացման հաճախականության և գումարային մեծության սահմանափակումներ, որոնց Դուք կարող եք տեղեկանալ Բանկի քարտերով իրականացվող գործառնությունների սակագներում:

Քարտերի գործողության ժամկետները
Բոլոր տեսակի միջազգային քարտերը տրամադրվում են 3 տարի ժամկետով:

Քարտային հաշվի արժույթները
Միջազգային քարտերի սպասարկման համար նախատեսված քարտային հաշիվները հաճախորդի ցանկությամբ կարող են բացվել ՀՀ դրամով,կամ ԱՄՆ դոլարով, կամ Եվրոյով, կամ Ռուսական ռուբլիյով:

Քարտային հաշվի դրական մնացորդի դիմաց հաշվարկվող տարեկան տոկոսադրույքը
Քարտային հաշվի դրական մնացորդի դիմաց հաշվարկվող տարեկան տոկոսադրույքները սահմանվում են քարտերով իրականացվող գործառնությունների սակագներում:
Հաշվի մնացորդի դիմաց հաշվարկված տոկոսագումարները վճարվում են ամսական պարբերականությամբ, ընդ որում, յուրաքանչյուր ամսվա առաջին աշխատանքային օրը նշված տոկոսագումարները ավելացվում են հաշվի մնացորդի գումարին (կապիտալացվում են):

Քարտային գործառնությունների արժույթը և փոխարժեքները
Միջազգային քարտերով քարտապանները կարող են գործարքներ իրականացնել և' Հայաստանի Հանրապետության տարածքում, և' Հայաստանի Հանրապետության տարածքից դուրս` տվյալ երկրի օրենսդրությամբ սահմանված արժույթով:
Բանկի բանկոմատներում և POS-տերմինալներում գործաքներն իրկանացվում են միայն ՀՀ դրամով, իսկ բանկի CASH-տերմինալներում գործարքները կարաղ են իրականացվել ՀՀ դրամով, ԱՄՆ դոլարով, Եվրոյով և Ռուսական ռուբլիյով:

ՀՀ տարածքում գործող "Արմենիան Քարդ" համակարգի անդամ չհանդիսացող և ՀՀ տարածքից դուրս գործող բանկերի բանկոմատներում, CASH-տերմինալներում և POS-տերմինալներում գործարքներն իրականացվում են համաձայն MasterCard World միջազգային վճարային համակարգի կողմից սահմանված փոխարժեքների: Եթե քարտապանի քարտային հաշվի արժույթը տարբերվում է գործարքի արժույթից, ապա Բանկի բանկոմատներում, CASH-տերմինալներում և POS-տերմինալներում գործարքի հաշվանցումն իրականացվում է գործարքի հաշվանցման օրվանը նախորդող օրը արժութային շուկայում ձևավորված միջին փոխարժեքով: ՀՀ տարածքում գործող "Արմենիան Քարդ" համակարգի անդամ հանդիսացող բանկերի բանկոմատներում, CASH-տերմինալներում և POS-տերմինալներում գործարքները կարող են իրականացվել գործարքի հաշվանցման օրվանը նախորդող օրը արժութային շուկայում ձևավորված միջին փոխարժեքով կամ տվյալ բանկի կողմից սահմանված փոխարժեքով:

Քարտի տրամադրման և ակտիվացման ժամկետները
Հաճախորդի կողմից բոլոր անհրաժեշտ փաստաթղթերը տրամադրելուց հետո քարտը թողարկվում և տրամադրվում է հաճախորդին երկու աշխատանքային օրվա ընթացքում: Հաճախորդի ցանկությամբ քարտը կարող է տրամադրվել իրեն նույն բանկային օրվա ընթացքում, որի համար Բանկի կողմից սահմանվում է լրացուցիչ վճար` 1000 ՀՀ դրամի չափով: Հաճախորդին տրամադրելուց հետո քարտն անմիջապես ակտիվանում է:

Վճարային քարտի և PIN-կոդի օգտագործման և պահպանման կանոնները
կոդը տրամադրվում է քարտապանին փակ, չթափանցող ծրարով` վճարային քարտի հետ միասին: PIN-կոդը հայտնի է միայն տվյալ քարտապանին և նա չպետք է հայտնի կամ տրամադրի PIN-կոդը որևէ այլ անձի, նույնիսկ բանկի աշխատակցի: PIN-կոդը օգտագործվում է քարտապանի կողմից բոլոր այն դեպքերում, երբ PIN-կոդի օգտագործումը նախատեսված է ԱրՔա վճարային համակարգի կամ սպասարկող բանկի կողմից սահմանված կանոններով: PIN-կոդը կորցնելու կամ մոռանալու դեպքում քարտապանը ներկայացնում է գրավոր դիմում պլաստիկ քարտերի բաժնի ղեկավարի անունով, որի հիման վրա Բանկը մեկ աշխատանքային օրվա ընթացքում վերաթողարկում և քարտապանին տրամադրում է նոր PIN-կոդը:

Քարտային գործառնության բողոքարկման ժամանակահատվածը և ընթացակարգը
Եթե քարտապանը փորձել է կանխիկացնել գումար Բանկի կամ այլ բանկի բանկոմատի, CASH-տերմինալի կամ POS-տերմինալի միջոցով և նրա քարտային հաշիվը դեբետագրվել է, սակայն գումարը կամ ծառայությունը փաստացի չի տրամադրվել, ապա քարտապանը դիմում է ներկայացնում Բանկի պլաստիկ քարտերի բաժին կամ մասնաճյուղ: Դիմումի հիման վրա պլաստիկ քարտերի բաժնի աշխատակիցը միջոցառումներ է ձեռնարկում գործարքի հանգամանքները պարզելու և գոմարը քարտապանի հաշվին վերադարձնելու ուղղությամբ: Բանկի քարտապանների կողմից իրականացված գործարքները պետք է բողոքարկեն առավելագույնը 60 օրացուցային օրվա ընթացքում` սկսած գործարքի հաշվանցման օրվան հաջորդող առաջին աշխատանքային օրվանից:
Նշված ժամկետը խախտելու դեպքում` Բանկը մերժում է գործարքը բողոքարկելու վերաբերյալ քարտապանի դիմումը:

Վճարային քարտի կորստի կամ գողանալու դեպքում կիրառվող ընթացակարգը
Քարտի կորստի/գողանալու դեպքում քարտապանը տեղեկացնում է դրա մասին Բանկի պլաստիկ քարտերի բաժնի կամ "Արմենիան Քարդ" ՓԲԸ աշխատակցին, որը քարտապանին նույնակացնելուց հետո, կասեցնում է քարտի գործողությունը: Նոր քարտ ստանալու նպատակով քարտապանը ներկայացնում է գրավոր դիմում Պլաստիկ քարտերի բաժնի ղեկավարի անունով, որի հիման վրա Բանկը մեկ աշխատանքային օրվա ընթացքում թողարկում և քարտապանին տրամադրում է նոր քարտ: