Բանկը հնարավորություն է ընձեռում իր քարտապաններին աշխատավայրից ներկայացվող տեղեկանքի հիման վրա ստանալ քարտային վարկային գիծ տնօրինվող աշխատավարձի մինչև եռապատիկի չափով, բայց ոչ ավելի, քան 500 000 (հինգ հարյուր հազար) ՀՀ դրամ: Եթե Դուք Բանկում չունեք վարկային պատմություն և Ձեր աշխատավարձը չի փոխանցվում Բանկի քարտային հաշվին, ապա քարտային վարկային գծի գումարը չի կարող գերազանցել 75 000 ՀՀ դրամը: 

Քարտային վարկային գծերի տրամադրումն իրականացվում է Բանկի ներքին իրավական ակտերի համաձայն: Քարտային վարկային գծերը տրամադրվում են մինչև 60 ամիս ժամկետով:

Քարտային վարկային գիծ ստանալու նպատակով կարող եք այցելել Բանկի պլաստիկ քարտերի բաժին կամ Բանկի որևէ մասնաճյուղ` ներկայացնելով հետևյալ փաստաթղթերը`

• անձնագիր և սոցիալական քարտ
• դիմում քարտային վարկային գիծ ստանալու վերաբերյալ
• տեղեկանք աշխատավայրից  աշխատավարձի չափի և զբացեղրած պաշտոնի վերաբերյալ:

Բանկն առաջարկում է նաև դրամական միջոցներով ապահովված քարտային վարկային գծեր, որոնց առավելագույն գումարը չի կարող գերազանցել հաճախորդի կողմից Բանկում ունեցած իր բանկային կամ ավանդային հաշիվներին առկա դրամական միջոցների գումարի 95%: 

Դրամական միջոցներով ապահովված քարտային վարկային գիծ ստանալու համար անհրաժեշտ է ներկայացնել` 

• դիմում` քարտային վարկային գիծ ստանալու վերաբերյալ
• անձնագիր և սոցիալական քարտ:

Այլ ապահովությամբ քարտային վարկային գիծ ստանալու նպատակով հաճախորդը կարող է դիմել Բանկի պլաստիկ քարտերի բաժին կամ վարկավորման և ներդրումների վարչություն` ներկայացնելով անհրաժեշտ փաստաթղթերը: Պահանջվող փաստաթղթերի ցանկը հաճախորդը կարող է ստանալ վարկավորման և ներդրումների վարչությունում:

Քարտային վարկային գծի մարման կարգը

Յուրաքանչյուր ամսվա վերջին աշխատանքային օրը կատարվում է քարտապանի վարկային պարտավորության գումարի ֆիքսում: Նշված օրվանը հաջորդող 16 օրվա ընթացքում վարկառուն պարտավոր է մարել վարկային գծի օգտագործված գումարի առնվազն 20 տոկոսը և հաշվարկված տոկոսները: Տվյալ պայմանը կատարելու դեպքում Բանկը շարունակում է հաշվարկել տոկոսները վարկային գծի չմարված գումարի դիմաց` համաձայն Բանկի և վարկառուի միջև կնքված պայմանագրում ամրագրված տարեկան տոկոսադրույքի: Եթե քարտապանը նշված ժամանակահատվածում մարում չի կատարում կամ մարում է 20 տոկոսից ավելի քիչ գումար, ապա Բանկը քաղվածքի գեներացմանը հաջորդող 16-րդ օրվանից սկսած հաշվարկում է տույժ օգտագործված գումարի և հաշվարկված տոկոսագումարի դիմաց` 0,1% յուրաքանչյուր ուշացված օրվա համար:

MasterCard Gold Chip տեսակի քարտ ունեցող քարտապանները վարկային գծի օգտագործված գումարը պետք է ամբողջությամբ մարեն ամսվա վերջին աշխատանքային օրվանը  հաջորդող 15 օրվա ընթացքում: Այդ դեպքում Բանկն օգտագործված վարկային գծի դիմաց տոկոսներ չի գանձում: Այսպիսով,  նշված քարտերի համար սահմանվում է վճարման արտոնյալ ժամանակահատված (grace period) մինչև 45 օր ժամկետով: 

Եթե քարտապանը նշված ժամանակահատվածում չի կատարում այս պայմանը, ապա Բանկը հաշվարկում է տոկոսներ չմարված գումարի դիմաց` համաձայն Բանկի և վարկառուի միջև կնքված պայմանագրում ամրագրված տարեկան տոկոսադրույքի:

Անկախ քարտի տեսակից` տրամադրված քարտային վարկային գծի չօգտագործված մասի դիմաց տոկոսներ չեն հաշվարկվում: