ArCa Classic, ArCa Gold և ArCa Debit քարտերը հնարավորություն են ընձեռում քարտապանին`

• իրականացնել վճարումներ (անկանխիկ գործարքներ) առևտրի և սպասարկման կետերում
• գրանցել վիրտուալ քարտ www.arca.am կայքում
• իրականացնել կոմունալ և այլ վճարումներ Բանկի բանկոմատների կամ վիրտուալ քարտի միջոցով
• իրականացնել քարտից քարտ փոխանցումներ Բանկի բանկոմատների կամ վիրտուալ քարտի միջոցով
• ստանալ կանխիկ դրամ բանկոմատներից կամ կանխիկացման այլ կետերից
• մուտքագրել դրամական միջոցներ քարտային հաշիվներին կանխիկ կամ անկանխիկ եղանակով
• ստանալ քաղվածքներ իրականացված գործառնությունների և հաշվի մնացորդի վերաբերյալ:

Նշված տեղական քարտերի նկատմամբ Բանկի կողմից կիրառվում են կանխիկ և անկանխիկ գործառնությունների իրականացման հաճախականության և գումարային մեծության սահմանափակումներ, որոնց Դուք կարող եք տեղեկանալ Բանկի քարտերով իրականացվող գործառնությունների սակագներում:

Քարտերի գործողության ժամկետները
ArCa Gold և ArCa Classic քարտերը տրամադրվում են 3 տարի, ArCa Gift քարտերը` 2 տարի, իսկ ArCa Debit քարտերը`1 տարի ժամկետով: Դոլարային հաշիվ ունեցող ArCa Gold քարտերը տրամադրվում են 5 տարի ժամկետով:

Քարտական հաշվի արժույթը
Տեղական քարտերի սպասարկման համար նախատեսված քարտային հաշիվները բացվում են ՀՀ դրամով, իսկ ArCa Gold քարտերի դեպքում` նաև ԱՄՆ դոլարով:

Քարտային հաշվի դրական մնացորդի դիմաց հաշվարկվող տարեկան տոկոսադրույքը
Քարտային հաշվի դրական մնացորդի դիմաց հաշվարկվող տարեկան տոկոսադրույքները սահմանվում են տեղային քարտերով իրականացվող գործառնությունների սակագներում:
Հաշվի մնացորդի դիմաց հաշվարկված տոկոսագումարները վճարվում են ամսական պարբերականությամբ, ընդ որում, յուրաքանչյուր ամսվա առաջին աշխատանքային օրը նշված տոկոսագումարները ավելացվում են հաշվի մնացորդի գումարին (կապիտալացվում են):

Քարտային գործառնությունների արժույթը
Բանկի բանկոմատներում և POS-տերմինալներում գործաքներն իրկանացվում են միայն ՀՀ դրամով, իսկ Բանկի CASH-տերմինալներում գործարքները կարաղ են իրականացվել ՀՀ դրամով, ԱՄՆ դոլարով, Եվրոյով և Ռուսական ռուբլիյով:

Քարտի տրամադրման և ակտիվացման ժամկետները
Հաճախորդի կողմից բոլոր անհրաժեշտ փաստաթղթերը տրամադրելուց հետո քարտը թողարկվում և տրամադրվում է հաճախորդին երկու աշխատանքային օրվա ընթացքում: Հաճախորդի ցանկությամբ քարտը կարող է տրամադրվել նույն բանկային օրվա ընթացքում, որի համար Բանկի կողմից սահմանվում է լրացուցիչ վճար 1000 ՀՀ դրամի չափով: Քարտն անմիջապես ակտիվանում է այն Հաճախորդին տրամադրելուց հետո:

Վճարային քարտի և PIN-կոդի օգտագործման և պահպանման կանոնները
PIN-կոդը տրամադրվում է քարտապանին փակ, չթափանցող ծրարով` վճարային քարտի հետ միասին: PIN-կոդը հայտնի է միայն տվյալ քարտապանին և նա չպետք է հայտնի կամ տրամադրի  PIN-կոդը որևէ այլ անձի, նույնիսկ բանկի աշխատակցի: PIN-կոդը օգտագործվում է քարտապանի կողմից բոլոր այն դեպքերում, երբ  PIN-կոդի օգտագործումը նախատեսված է ԱրՔա վճարային համակարգի կամ սպասարկող բանկի կողմից սահմանված կանոններով: PIN-կոդը կորցնելու կամ մոռանալու դեպքում քարտապանը ներկայացնում է գրավոր դիմում պլաստիկ քարտերի բաժնի ղեկավարի անունով, որի հիման վրա Բանկը մեկ աշխատանքային օրվա ընթացքում վերաթողարկում և քարտապանին տրամադրում է նոր  PIN-կոդ:

Քարտային գործառնության բողոքարկման ժամանակահատվածը և ընթացակարգը
Եթե քարտապանը փորձել է գումար կանխիկացնել Բանկի կամ այլ բանկի բանկոմատի, CASH-տերմինալի կամ POS-տերմինալի միջոցով  և նրա քարտային հաշիվը դեբետագրվել է, սակայն գումարը կամ ծառայությունը փաստացի չի տրամադրվել, ապա քարտապանը դիմում է ներկայացնում Բանկի պլաստիկ քարտերի բաժին կամ մասնաճյուղ: Դիմումի հիման վրա պլաստիկ քարտերի բաժնի աշխատակիցը միջոցառումներ է ձեռնարկում գործարքի հանգամանքները պարզելու և գոմարը քարտապանի հաշվին վերադարձնելու ուղղությամբ: Բանկի քարտապանների կողմից իրականացված գործարքները պետք է բողոքարկվեն առավելագույնը 60 օրացուցային օրվա ընթացքում` սկսած գործարքի հաշվանցման օրվան հաջորդող առաջին աշխատանքային օրվանից:
Նշված ժամկետը խախտելու դեպքում` Բանկը մերժում է գործարքը բողոքարկելու վերաբերյալ քարտապանի դիմումը:

Վճարային քարտի կորստի կամ գողանալու դեպքում կիրառվող ընթացակարգը
Քարտի կորստի կամ գողանալու դեպքում քարտապանը տեղեկացնում է դրա մասին Բանկի պլաստիկ քարտերի բաժնի կամ "Արմենիան Քարդ" ՓԲԸ աշխատակցին: Վերջինս քարտապանին նույնակացնելուց հետո կասեցնում է քարտի գործողությունը: Նոր քարտ ստանալու նպատակով քարտապանը ներկայացնում է գրավոր դիմում պլաստիկ քարտերի բաժնի ղեկավարի անունով, որի հիման վրա Բանկը մեկ աշխատանքային օրվա ընթացքում թողարկում և քարտապանին տրամադրում է նոր քարտ: