Եթե Ձեզ անհրաժեշտ են կարճաժամկետ դրամական միջոցներ պայմանավորված, անսպասելի կամ հավելյալ ծախսերի առաջացմամբ, ապա Զարգացման Հայկական Բանկն առաջարկում է կարճաժամկետ, ճկուն ֆինանսավորման գործիք` օվերդրաֆտ, որի միջոցով կարող եք ծածկել բիզնեսում առաջացող դրամական հոսքերի դեֆիցիտը և բարձրացնել Ձեր ընկերության դրամական հոսքերի կառավարման արդյունավետությունը:

Վերականգնվող օվերդրաֆտի դեպքում օվերդրաֆտի տրամադրման վերաբերյալ որոշումը կայացվում է հաճախորդի կողմից պահանջվող փաստաթղթերը Բանկ ներկայացնելուց 15 աշխատանքային օրվա ընթացքում: Առավելագույնը 2 աշխատանքային օրվա ընթացքում վարկառուին տեղեկացվում է որոշման մասին, իսկ գումարը վարկառուին տրամադրվում է պայմանագրի կնքման համար նախատեսված համապատասխան փաստաթղթերը ներկայացնելուց հետո առավելագույնը 5 օրվա ընթացքում: ՎՀիմնական պայմանագրի կնքման դեպքում վերականգնման ժամկետի ողջ ընթացքում օվերդրաֆտի հերթական տրամադրումը կատարվում է նախորդը մարելուց հետո մեկ օրվա ընթացքում: Վարկային հայտի մերժման դեպքում` հաճախորդը գրավոր տեղեկացվում է մերժման պատճառների մասին: 

Բանկի կողմից հաճախորդին օվերդրաֆտ տրամադրելու դրական որոշման նախապայմաններն են`

• օվերդաֆտը մարելու ունակությունը
• վարկառուի սեփական միջոցների առկայությունը
• օվերդաֆտի ապահովվածության որակը և տեսակը
• վարկառուի վարկային պատմությունը
• բանկում հաշիվների շարժը
• գործունեության բնույթը և ոլորտը
• վարկառուի գործունեության վրա ազդող ընդհանուր տնտեսական պայմանները
• վարկառուի անձնական որակները
• օվերդաֆտի նկատմամբ վերահսկողության հնարավորությունը:

Գրավի գնահատումը և ձևակերպումը

Հիմնական միջոցները գնահատվում են Բանկի հետ համագործակցող անկախ գնահատող ընկերությունների կողմից` համաձայն վերջիններիս կողմից սահմանված սակագների: Գրավի գնահատման բոլոր ծախսերը և ձևակերպման բոլոր ծախսերը (նոտարական վավերացում, անշարժ գույքի կադաստրի տարածքային ստորաբաժանումներում գրանցում) կատարվում են վարկառուի կողմից:

Գրավի ապահովագրության վճար չի սահմանվում:

Սպառողի համար վարկի հասանելիությունը սահմանափակող պայմաններ չկան:

Պահանջվող փաստաթղթերի ցանկ