Զարգացման Հայկական Բանկը ֆիզիկական եւ իրավաբանական անձանց առաջարկում է ժամկետային ավանդների հետևյալ տեսակները` "Բազմարժութային", "Սովորական", "Խնայողական", "ՈՒնիվերսալ", "Մանկական", "Դիսկոնտ": Ավանդներն ընդունվում են ՀՀ դրամով, ԱՄՆ դոլարով և եվրո արժույթով:

Զարգացման Հայկական Բանկում ավանդներ ներդնելու առավելություններն են. 

• բարձր տոկոսադրույքներ
• տոկոսների ամենամսյա վճարման հնարավորություն
• անհատական եւ արագ սպասարկում
• ավանդի վերադարձի հնարավորություն առանց տոկոսագումարի կորստի
• ավանդի մի արժույթից մյուսին փոխարկելու հնարավորություն
• հնարավորություն ստանալու ArCa Classic, ArCa Gold եւ միջազգային Cirrus Maestro, MasterCard Standard, MasterCard Gold տեսակի քարտերից որեւէ մեկը` կախված ավանդային գումարի չափից:

Ուշադրություն.

• Բանկն ավանդների դիմաց հաշվեգրված տոկոսագումարները պայմանագրում նշված օրը վճարում է միայն ՀՀ դրամով, կանխիկ կամ անկանխիկ:
• 35 000 000 դրամ, 100 000 ԱՄՆ դոլար, 100 000 եվրո  և ավելի գումարների, ինչպես նաև 24 ամսից ավել ժամկետների  դեպքում` տոկոսադրույքը  պայմանագրային: 
• Բանկում ավանդները երաշխավորված են համաձայն "Ֆիզիկական անձանց բանկային ավանդների հատուցման երաշխավորման մասին" ՀՀ օրենքի: Ավանդների երաշխավորվող սահմանաչափերը հետևյալն են`
  ա) միայն դրամային ավանդի դեպքում - 4 մլն ՀՀ դրամ
  բ) միայն արտարժութային ավանդի դեպքում - 2 մլն ՀՀ դրամ
  գ) և′ դրամային (2 մլն ավել) և′  արտարժութային ավանդների դեպքում - մինչև 4մլն ՀՀ դրամ
  դ) և′ դրամային (2մլն-ից պակաս) և′ արտարժութային ավանդների դեպքում - դրամային ավանդն  ամբողջությամբ և արտարժութային ավանդը` մինչև 2մլն ՀՀ դրամ:
• Նույն բանկում բոլոր դրամային ավանդները համարվում են մեկ ավանդ, բոլոր արտարժութային ավանդները' նույնպես համարվում են մեկ ավանդ: Համատեղ ավանդը համարվում է առանձին ավանդ` պայմանագրով սահմանված մասնաբաժնի չափով:
• Ավանդը կարող է համալրվել ցանկացած երրորդ անձի կողմից, նշելով ավանդատուի անուն ազգանունը կամ ավանդային հաշվի համարը կամ ավանդային պայմանագրի համարը:
• Ավանդը կարող է ներդրվել բանկ որոշակի երրորդ անձի անունով, ներկայացնելով նաև այդ երրորդ անձի անձնագիրը և սոց. քարտը:
• Ավանդների վրա հաշվեգրված տոկոսագումարներն ենթակա են հարկման, եկամտահարկը կազմում է 10 %:

Ավանդատուի պահանջով ավանդի գումարի ցանկացած նվազեցման (պայմանագրի վաղաժամկետ, մասնակի կամ ամբողջական լուծման) դեպքում Բանկը կատարում է վերահաշվարկ` նվազեցվող գումարի ավանդային հաշվում գտնված փաստացի օրերի դիմաց հաշվարկվում եւ վճարվում է տոկոսագումար ցպահանջ ավանդի համար սահմանված տոկոսադրույքով*: Վերահաշվարկի արդյունքում հաճախորդին ավել վճարված տոկոսագումարները գանձվում են վերահաշվարկի պահին: Պայմանագրի ամբողջական լուծման դեպքում վերահաշվարկված տոկոսագումարի վճարումը իրականացվում է լուծման պահին, իսկ մասնակի լուծման դեպքում` պայմանագրով սահմանված տոկոսագումարի հաջորդ վճարման օրը:

*Ցպահանջ ավանդի տոկոսադրույքները սահմանված են ՀՀ դրամով ավանդների համար` 5-7% տարեկան, ԱՄՆ դոլարով եւ եվրոյով ավանդների համար` 3-4% տարեկան:

• 20 մլն. և ավելի ՀՀ դրամի կամ համարժեք  արտաժութային գումարի ավանդ ներդնելու դեպքում Դուք կստանաք MasterCard Gold հեղինակավոր միջազգային քարտը, որը կընդգծի Ձեր կարգավիճակը և հնարավորություն կտա կատարել կանխիկ և անկանխիկ գործարքներ աշխարհի բոլոր անկյուներում
• 10 մլն. և ավելի ՀՀ դրամի կամ համարժեք գումարի արտաժութային ավանդ ներդնելու դեպքում Դուք կստանաք MasterCard Standard միջազգային կամ ArCa Gold տեղային վճարային քարտերը
• 2 մլն. և ավելի ՀՀ դրամի կամ համարժեք գումարի արտաժութային ավանդ ներդնելու դեպքում Դուք կստանաք Cirrus Maestro միջազգային կամ ArCa Classic տեղային վճարային քարտերը:

ԾԱՆՈւՑՈւՄ` Ավանդների հատուցման երաշխավորման պայմանների և կարգի մասին