Զարգացման Հայկական Բանկն ուրախ է տեսնել Ձեզ իր հաճախորդների թվում և սիրով առաջարկում է Ձեզ բանկային հաշիվների  բացում և սպասարկում, դրամարկղային գործառնություններ, արտարժութային փոխարկման գործարքներ, ճանապարհորդական և բանկային չեկեր, ինչպես նաև կոմունալ վճարումների ընդունում:

Հաշվի բացման համար անհրաժեշտ փաստաթղթերն են`

Իրավաբանական անձանց համար

1. հիմնադիր փաստաթուղթ*
2. գրանցման վկայական*
3. ռեզիդենտ լինելու դեպքում` հարկ վճարողի հաշվառման համար*
4. ղեկավարի, գլխավոր հաշվապահի և/կամ այլ իրավասու անձանց նշանակման վերաբերյալ հրամաններ
5. ստորագրության իրավունք ունեցող անձանց անձնագրեր
6. տեղեկանք` մասնակիցների վերաբերյալ
7. լիցենզիա` լիցենզավորվող գործունեության դեպքում

Անհատ ձեռնարկատերերի համար

1. անձնագիր
2. սոցիալական քարտ (ՀՀ քաղաքացիների համար)
3. գրանցման վկայական
4. ռեզիդենտ լինելու դեպքում` հարկ վճարողի հաշվառման համար*

Ֆիզիկական անձանց համար

1. անձնագիր
2. սոցիալական քարտ (ՀՀ քաղաքացիների համար)

*Բնօրինակները կամ նոտարական հաստատմամբ պատճենները

Հաճախորդներին բանկում տրամադրվում է ստորագրության նմուշի քարտ, որում հաճախորդի լիազորված անձինք ստորագրում են բանկի աշխատակցի ներկայությամբ: Ստորագրության նմուշի քարտը, իրավաբանական անձանց և անհատ ձեռնարկատերերի դեպքում, ենթակա է հաստատման համապատասխան հարկային մարմիններում: Մինչև պատշաճ գրանցված  քարտը բանկ ներկայացնելը հաճախորդն իրավասու չէ տնօրինելու իր բանկային հաշիվը, ստանալու կանխիկ դրամական միջոցներ կամ իրականացնել վճարումներ:
Հաշվի բացման տևողությունը կազմում է ընդամենը 5-10 րոպե:
Զարգացման Հայկական Բանկն իր հաճախորդներից չի պահանջում հաշվի նվազագույն մնացորդի ապահովում:
Բանկային հաշիվները փակվում են համաձայն հաճախորդի դիմումի: Եթե հաշիվը փակելիս, Ձեր հաշվին առկա են դրամական միջոցներ, ապա Դուք կարող եք ստանալ դրանք կանխիկ կամ փոխանցել այլ հաշիվներին (այդ թվում` ավանդային):
Եթե Ձեր բանկային հաշվին կատարվել է այլ արժույթով դրամական միջոցների մուտք, ապա այդ միջոցները փոխարկվում են այլ արժույթի հաշվի` բանկի կողմից սահմանված և տվյալ պահին գործող փոխարժեքներով:
Բանկը կարող է արգելափակել Ձեր բանկային հաշիվը և սահմանափակել դրանում եղած դրամական միջոցները տնօրինելու Ձեր իրավունքները, ինչպես նաև առանց Ձեր կարգադրության հաշվից դրամական միջոցների բռնագանձում կատարել` դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման: Այդ մասին Ձեզ կտեղեկացնեն բանկում:
Ֆիզիկական անձինք Զարգացման Հայկական Բանկում դրամային և արտարժութային փոխանցումներ կարող են կատարել նաև առանց հաշիվ բացելու` ներկայացնելով անձը հաստատող փաստաթուղթ:

Կոմունալ վճարումներ
Զարգացման Հայկական Բանկն առաջարկում է հարմարավետ և ակնթարթային ծառայություն, որի միջոցով Դուք կարող եք առանց որևէ միջնորդավճարի կատարել Ձեր բոլոր կոմունալ վճարումները, այդ թվում լիցքավորել Ձեր հեռախոսի կանխավճարային քարտերն ինչպես կանխիկ, այնպես էլ Ձեր բանկային հաշվից:

Ուշադրություն. Զարգացման Հայկական Բանկում ֆիզիկական անձանց բանկային ավանդների հատուցումը երաշխավորված է Ավանդների հատուցումը երաշխավորող հիմնադրամի կողմից` հետևյալ սահմանաչափերով
ա) միայն դրամային բանկային հաշվի դեպքում` չորս միլիոն ՀՀ դրամ
բ) միայն արտարժութային բանկային հաշվի դեպքում` երկու միլիոն ՀՀ դրամ
գ)դրամային և արտարժութային հաշիվների դեպքում, երբ դրամային հաշվի գումարը երկու միլիոն ՀՀ դրամից ավելի է`երաշխավորվում է միայն դրամային հաշիվը` մինչև չորս միլիոն ՀՀ դրամով
դ) դրամային և արտարժութային հաշիվների դեպքում, երբ դրամային հաշվի գումարը պակաս է երկու միլիոն հայկական դրամից`երաշխավորվում է դրամային հաշիվը ամբողջությամբ և արտարժութային հաշիվը` երկու միլիոն դրամի և հատուցված դրամային հաշվի տարբերության չափով:
"Ֆիզիկական անձանց բանկային ավանդների հատուցումը երաշխավորելու մասին" ՀՀ օրենքի հետ կարող եք ծանոթանալ բանկի Հաճախորդների սպասարկման վարչությունում կամ այցելելով հետևյալ կայք` http://www.cba.am/AM/lalaws/deposit_insurance.pdf:

Հաշվի բացման և սպասարկման պայմաններն են.

*Տոկոսների վճարումն իրականացվում է կիսամյակային կտրվածքով:Ֆիզիկական անձանց վճարվող տոկոսագումարները հենթակա են հարկման (եկամտահարկը կազմում է 10%):