1. Սույնով սահմանվում են "Զարգացման Հայկական Բանկ" ԲԲԸ (այսուհետ` Բանկ) հաճախորդներին մատուցվող ծառայությունների դիմաց գանձվող սակագները և դրույքները, որոնցով նախատեսված միջնորդավճարները գանձվում են ՀՀ դրամով:
2. Ստորև ներկայացված սակագները և դրույքները համարվում են Բանկի կողմից կատարված հրապարակային օֆերտա: Հաճախորդի կողմից Բանկին որևէ կերպ որոշակի գործառնության կատարման հանձնարարական կամ կարգադրություն տալը դիտվում է ստորև շարադրված պայմանների ակցեպտ:
3. Բանկն իրավունք ունի միակողմանիորեն փոփոխություններ կատարելու գործող սակագներում` այդ մասին նախապես Բանկի ինտերնետային կայքում և/կամ այլ հրապարակային աղբյուրներում, Բանկի տարածքում` հաճախորդների համար տեսանելի վայրում տեղադրելով:
4. Բացի գործող սակագներից` Բանկն իրավունք ունի գանձել հատուկ լրացուցիչ վճարներ լրացուցիչ աշխատանքի և/կամ ոչ ստանդարտ գործառնությունների իրականացման համար:
5. Սույն սակագներով և դրույքներով ուղղակի չնախատեսված, սակայն Բանկի կողմից մատուցվող ծառայությունների, գործառնությունների ու գործարքների (ժամկետային ավանդներ, վարկեր, արտարժույթի առք ու վաճառք (FOREX), ածանցյալ արժեթղթերի առք ու վաճառք և այլն) պայմանները սահմանվում են Բանկի և Հաճախորդի միջև կնքված պայմանագրով և/կամ ներքին իրավական ակտերով: Սույն սակագները և դրույքներն առանձին դեպքերում կարող են կիրառվել այլ չափով` հիմք ընդունելով Հաճախորդների հետ կնքված պայմանագրերը:
6. Առանձին դեպքերում, հիմք ընդունելով Բանկի և հաճախորդի միջև երկարատև համագործակցությունը, հաճախորդի` բանկում ունեցած դրամական հոսքերի չափը, հաշիվների մնացորդները և այլ հիմնավոր պատճառներ` Բանկի կողմից կարող են կիրառվել նաև սահմանված սակագներից արտոնյալ պայմաններով (ոչ ստանդարտ) սակագներ:
7. Մատուցած ծառայությունների համար սույն սակագներում և դրույքներում նշված միջնորդավճարները Բանկի կողմից միակողմանիորեն անակցեպտ (անառարկելի) կարգով կարող են գանձվել Հաճախորդի բանկային հաշվից, եթե այլ բան սահմանված չէ Հաճախորդի հետ կնքված պայմանագրով:
8. Սույն սակագներում և դրույքներում նշված գործառնություններ իրականացնելիս` Բանկը պատասխանատվություն չի կրում հաճախորդի կողմից տրված սխալ կամ ոչ հստակ ցուցումների և հրահանգների, անհաղթահարելի ուժի (Ֆորս-մաժորային) (բնական աղետներ, քաղաքացիական հուզումներ, պետական մարմինների ակտեր, շրջափակումներ, կապի միջոցների անսարքություններ, արտակարգ այլ հանգամանքներ) ազդեցության հետևանքով առաջացած ուշացումների, սխալների և վնասների համար:
9. Սույն սակագներում և դրույքներում սահմանված միջնորդավճարները ՀՀ տարածքում գործող միջազային կազմակերպությունների և դեսպանությունների համար գանձվում են համաձայն կնքված պայմանագրի:

"Զարգացման Հայկական Բանկ" ԲԲԸ սակագները և դրույքները